Enn einn bær á Ítalíu reynir nú að laða til sín nýja íbúa með því að bjóða húsnæði á lágu verði. Bærinn Bivona á sunnanverðri Sikiley býður nú hús til sölu á eina evru. 

Bivona býður skattaafslætti fyrir þá sem kaupa hús á ódýru verði og gera þau upp. Nýir kaupendur skuldbinda sig til þess að gera upp húsin innan ákveðins tímaramma. Einnig þarf að greiða tryggingarfé upp á 2.500 evrur sem fæst endurgreitt standi nýir kaupendur við sitt. Þeir sem kjósa svo að flytja í bæinn og búa þar eiga möguleika á skattaafsláttum. 

Bivona hefur munað sinn fífil fegurri en gríðarmargir hafa flutt í burtu á síðustu 40 árum. Í dag búa um 3.800 manns í bænum. 

„Við viljum endurheimta sjarmann sem bærinn bjó yfir á blómaskeiði sínu á endurreisnartímabilinu, þegar yfir 8 þúsund manns bjuggu í bænum og hann blómstraði,“ sagði Angela Cannizzaro, menningarfulltrúi bæjarins, í viðtali við CNN Travel. 

Frétt af mbl.is

Viltu eignast hús á Ítalíu ókeypis?

Frétt af mbl.is

Viltu fá borgað fyrir að búa á Ítalíu?

Tengdar fréttir

Ítalía

Ryan og Tanja Ýr fögnuðu ástinni við Cómó-vatn

• Versta matarupplifunin var í fegurðarsamkeppni í Mexíkó
• Fimm magnaðar sundlaugar sem þú verður að sjá
• Fór í brúðkaupsferð heim til Clooney
• Skoðaði Norður-Ítalíu á þremur dögum fyrir rúmar 4.300 krónur

» Fleiri tengdar fréttir

• Blogga um frétt