Það getur verið kostnaðarsamt að fara í ferðalag. Það er þó misdýrt eftir því til hvaða landa maður fer. Breski bankinn  tók saman hversu mikið einn dagur kostar í 35 borgum víðs vegar um heiminn. 

Viðmið Starling var að ferðamaðurinn myndi borða 3 máltíðir yfir daginn, skoða einhverja ferðamannastaði, ferðast um borgina (fram og til baka) og gista eina nótt. 

Delí á Indlandi kom best út úr samanburðinum en þar þarf ferðamaður aðeins að eyða rúmum 28 pundum, eða 4.425 íslenskum krónum á degi hverjum. Almenningssamgöngur í Delí eru gríðarlega ódýrar sem og er meðalverðið á hvers kyns iðju ferðamanna lágt. 

Kaíró í Egyptalandi er afskaplega hagstæð. AFP

Kaíró í Egyptalandi var í öðru sæti og aðeins einu pundi dýrari en Delí. Þar spilaði inn í lágt verð á hóteli. 

Istanbúl í Tyrklandi var í þriðja sæti, en þar eru almenningssamgöngur einni afar ódýrar. Ferðamaður þarf aðeins að eyða 35 pundum á dag til að una sér vel í Istanbúl.

Kúala Lúmpúr í Malasíu var fjórða ódýrasta borgin fyrir ferðamenn í samanburði Starling. Þar kemst ferðamaður upp með að eyða aðeins 40 pundum á dag eða rúmum 6.300 krónum. 

Beijing í Kína er fimmta ódýrasta borgin, en þar þarf ferðamaður aðeins að eyða tæpum 42 pundum á dag. Maturinn í Beijing er ódýr og sömuleiðis almenninssamgöngurnar. 

Bandaríkin dýr

Bandarísku borgirnar New York, Los Angeles og Miami ásamt bresku höfuðborginni London, hvíla á botni listans en ferðamaður þarf að eyða hátt í 200 pund á hverjum degi þar. 

Þar spilar inn í að gisting og matur eru töluvert mikið dýrari en í Asíu og Mið-Austurlöndum. Þar getur einnig verið dýrt að fara í skemmtigarða eða skoðunarferðir um borgina.

New York er dýrust. Ljósmynd/Pexels

Listi yfir borgirnar sem Starling bar saman, og meðalverðið fyrir hvern dag í breskum pundum.

1. Delí, Indlandi – 28,22
2. Kaíró, Egyptalandi – 29,22
3. Istanbúl, Tyrklandi – 35, 51
4. Kúala Lúmpúr, Malasíu – 40,32
5. Beijing, Kína – 41,78
6. Bangkok, Taílandi - 43,36
7. Marrakesh, Morokkó – 43,96
8. Líma, Perú – 45,34
9. Buenos Aires, Argentínu – 45,81
10. Varsjá, Póllando – 53,85
11. Búdapest, Ungverjalandi – 63,17
12. Lissabon, Portúgal – 65,79
13. Prag, Tékklandi - 66,18
14. Jóhannesarborg, Suður-Afríku – 72,96
15. Rio De Janiero, Brasilíu – 75,71
16. Tókýó, Japan - 83,74
17. Madríd, Spáni – 85,97
18. Singapúr – 86,29
19. Hong Kong, Kína – 91,37
20. Sydney, Ástralíu – 103,10
21. Tel Aviv, Ísrael – 107,47
22. Róm, Ítalíu – 108,33
23. Vín, Austurríki – 110,53
24. Auckland, Nýja Sjálandi – 113,40
25. Barcelona, Spáni – 114,98
26. Cancún, Mexíkó – 115,68
27. Santiago, Síle – 117,83
28. Amsterdam, Hollandi – 121,52
29. Dubai, Sameinuðu arabísku furstadæmunum – 137,40
30. París, Frakklandi – 145,38
31. Punta Cana, Dóminíska lýðveldinu – 146,05
32. Miami, Bandaríkjunum – 147,42
33. Lundúnir, Bretlandi – 160,30
34. Los Angeles, Bandaríkjunum – 168,95
35. New York, Bandaríkjunum – 179,15

Tengdar fréttir

Borgarferðir

48 tímar í Köben: Hönnunarparadís, sjósund og lífleg matarupplifun

• Féll fyrir Berlín og flutti ekki aftur heim
• Finnar bjóða upp á ókeypis hamingjunámskeið
• Hvert er best að ferðast í júní?
• Vilja hefja beint flug til Íslands

» Fleiri tengdar fréttir

Ferðaráð

Mæla með tíu heillandi stöðum á Íslandi

• Skoðaði Norður-Ítalíu á þremur dögum fyrir rúmar 4.300 krónur
• Hvert er skemmtilegast að fara í páskabíltúr?
• 5 skemmtilegar fjallgöngur í nágrenni Reykjavíkur
• „Manni líður eins og maður sé að ganga á annarri plánetu“

» Fleiri tengdar fréttir

• Blogga um frétt