Skíðaferðir til útlanda eru einstaklega vinsælar á þessum árstíma. Fólk gerir þó margt annað en að skíða þegar það fer í skíðaferð. Niðurstöður könnunar sem gerð var í Bretlandi benda til þess að margir Bretar fá sér vel í aðra tána áður en þeir renna sér niður skíðabrekkurnar. 

Á síðustu fimm árum hafa 3,8 milljónir manns tilkynnt að þeir hafi lent í slysi á skíðum eftir að þeir hafi drukkið áfengi. 

Samkvæmt rannsókninni meiðast um þúsund Bretar á hverjum degi vegna þess að þeir voru undir áhrifum í skíðabrekkunni. Rannsóknin var gerð af tryggingafyrirtækinu Direct Line og tóku rúmlega 2.000 manns þátt í henni.

Þátttakendur prófuðu skíðahermi edrú og svo eftir að þeir höfuð innbyrt áfengi. Líkurnar á því að þátttakendur lentu í slysi jukust um 43 prósent eftir að þeir höfðu innbyrt um sex einingar af áfengum drykk. Áhættan jókst einnig umtalsvert eftir aðeins 3 einingar af áfengi, sem samsvarar einu stóru vínglasi. 

Í spurningakönnun sem einnig var lögð fyrir kom í ljós að 5,3 milljónir manns viðurkenni að hafa skíðað undir áhrifum áfengis. Flestir segja að meiðslin sem þeir hlutu í kjölfarið hafi verið minni háttar, en 42 prósent sögðust þó ekki hafa getað farið aftur á skíði það sem eftir var af ferðinni. 

Slysahætta eykst við það að renna sér fullur á skíðum. Ljósmynd/Pexels

Tengdar fréttir

Furðulegt á ferðalögum

Versta matarupplifunin var í fegurðarsamkeppni í Mexíkó

• Benjamin varð vitni að einstöku fyrirbæri á Svalbarða
• Bjó á flugvelli í Bologna í níu mánuði
• Færir þú í nektarsiglingu?
• Ljósmynd af sofandi ísbirni hefur heillað heiminn

» Fleiri tengdar fréttir

• Blogga um frétt