Á föstudaginn er Valentínusardagurinn, 14. febrúar. Það er snilldarhugmynd að gera eitthvað sniðugt þetta árið, hvort sem það er rómantík á íslensku sveitahóteli eða rómantísk helgarferð. 

París er að sjálfsögðu borg ástarinnar en ástin getur vel blómstrað í öðrum borgum sem eru kannski ódýrari en höfuðborg Frakklands. Hægt er að finna ferð til London, Belfast og Vilníus fyrir um 30 þúsund á manninn. 

Ferð til London frá föstudeginum 14. febrúar til mánudagsins 17. febrúar kostar 30 þúsund fram og til baka á manninn og því aðeins 60 fyrir parið. 

Með EasyJet er hægt að fara til Belfast á Norður-Írlandi fyrir tæpar 28 þúsund krónur á manninn. Ferð frá 14. til 17. febrúar kostar því aðeins 56 þúsund fyrir par.

Með Wizz Air er hægt að fara til Vilníus í Litháen fyrir 26 þúsund krónur á manninn. Ferð frá 14. til 17. febrúar kostar því aðeins 52 þúsund fyrir par. 

Sért þú hins vegar ákveðinn í því að skella þér til Parísar, borgar ástarinnar, Valentínusarhelgina mun það kosta aðeins meira. Með millilendingu í Vilníus í 14 klukkutíma er hægt að komast til Parísar fyrir 48 þúsund á manninn. Á heimleiðinni er líka millilent í 14 tíma í Búdapest. 

Beint flug til Parísar með Icelandair kostar 133 þúsund á manninn og því 266 þúsund fyrir parið. 

Einnig er hægt að finna flug með 6 klukkustunda millilendingu í Manchester á Bretlandi fyrir 74 þúsund á manninn sem gerir tæpar 150 þúsund krónur fyrir parið. 

Verð miðuð við leitarniðurstöður Dohop.is 11. febrúar klukkan 12.

Tengdar fréttir

Borgarferðir

48 tímar í Köben: Hönnunarparadís, sjósund og lífleg matarupplifun

• Féll fyrir Berlín og flutti ekki aftur heim
• Finnar bjóða upp á ókeypis hamingjunámskeið
• Hvert er best að ferðast í júní?
• Vilja hefja beint flug til Íslands

» Fleiri tengdar fréttir

• Blogga um frétt