Flugfélagið Frontier var óstundvísast af öllum stærri flugfélögum í Bandaríkjunum árið 2019. Í aðeins 73,1 prósent tilvika stóðst áætlun flugfélagsins samkvæmt tölum frá Samgöngumálaráðuneyti Bandaríkjanna. 

Hawaiian Airlines stóð sig hvað best af öllum flugfélögunum en það stóðst áætlun sína í 87,7 prósent tilvika. þar á eftir eru Delta, Alaska og Southwest sem stóðust áætlun í 83,5 til 80,2 prósent tilvika. 

Að meðaltali stóðust áætlanir bandarískra flugfélaga í 79 prósent tilvika árið 2019 sem er smávegis lækkun frá 2018 en þá stóðust áætlanir í 79,2 prósent tilvika.

Hawaiian Airlines aflýsti fæstum flugferðum af flugfélögunum tíu en aðeins 0,4 prósentum af flugferðum þeirra var aflýst. United Airlines aflýsti flestum flugferðunum eða um 2,4 prósent af áætluðum ferðum. 

Listi yfir stundvísustu flugfélögin í Bandaríkjunum:

1. Hawaiian Airlines – 87.7%
2. Delta – 83.5%
3. Alaska – 81.3%
4. Southwest – 80.2%
5. Spirit – 79.5%
6. Allegiant – 78.7%
7. American – 77.4%
8. United – 75.2%
9. JetBlue – 73.5%
10. Frontier – 73.1%

Tengdar fréttir

Ferðaráð

48 tímar í Köben: Hönnunarparadís, sjósund og lífleg matarupplifun

• Mæla með tíu heillandi stöðum á Íslandi
• Skoðaði Norður-Ítalíu á þremur dögum fyrir rúmar 4.300 krónur
• Hvert er skemmtilegast að fara í páskabíltúr?
• 5 skemmtilegar fjallgöngur í nágrenni Reykjavíkur

» Fleiri tengdar fréttir

• Blogga um frétt