Bandaríska flugfélagið United greiddi níu farþegum inneignarnótu að andvirði 10 þúsund Bandaríkjadali, eða tæpar 1,3 milljónir íslenska króna fyrir að sitja í almennu farrými en farþegarnir höfðu áður bókað miða í viðskiptafarrými.
Vélin var á leið frá Newark á austurströnd Bandaríkjanna til Honolulu á Hawaii en um 11 tíma tekur að fljúga á milli staðanna.
Upprunalega var áætlað að fljúga Boeing 777-vél United en vegna óviðráðanlegra aðstæðna þurfti að notast við Boeing 767-300-vél félagsins. Í henni voru ekki jafn mörg sæti á viðskiptafarrýminu og því neyddust nokkrir farþegar til þess að að sitja í verri sætum en þeir höfðu bókað. Farþegarnir sem áttu miða á viðskiptafarrými voru færðir í sæti sem kallast Premium+ og þeim fylgja ögn meiri fríðindi en almennum sætum.
Breytingarnar kostuðu flugfélagið samtals 90 þúsund Bandaríkjadali eða rúmar 11 milljónir íslenskra króna.
Maddie King, talskona United, sagði í viðtali við CNN að svona aðstæður komi stundum upp og þá reyni flugfélagið að minnka áhrifin á farþega eins og það getur.