Borg spilavítanna, Las Vegas, er búin að skella í lás. Borgin er þekkt á meðal ferðamanna um allan heim fyrir partí, ljósadýrð, hótel og fjárhættuspil. Nú lítur borgin út eins og slökkt hafi verið á henni með einum takka og minnir hún einna helst á draugabæ.
Í vikunni tilkynnti ríkisstjórinn í Nevada, Steve Sisolak, að loka þyrfti allri ónauðsynlegri starfsemi í ríkinu. Þar sem spilavíti teljast ekki lífsnauðsynleg þarf að loka hótelum og spilavítum þeirra í að minnsta kosti 30 daga.
„Verið örugg og við komumst í gegnum þetta saman,“ eru skilaboð sem má nú sjá á skiltum borgarinnar sem áður lýstu upp borgina í skærum og áberandi litum.