Þrátt fyrir útgöngubann á Ítalíu stoppar það ekki hina 84 ára gömlu Nonna Nerina í að kenna fólki að gera ekta ítalskt pasta. Kennslutímum hennar í pastagerð er streymt beint á Facebook og getur hver sem er, hvar sem er í heiminum, spreytt sig á uppskriftum hennar. 

Nerina öðlaðist nokkra frægð fyrir um þremur árum þegar hún byrjaði að kenna Airbnb-gestum sínum hvernig á að gera pasta. Hún býr í litla bænum Palomabara Sabina sem er norður af Róm. Barnabarn hennar, Chiara Nicolanto, byrjaði að skipuleggja pastanámskeið meðfram Airbnb-rekstrinum og fyrir vikið var uppbókað í gistingu og á námskeið hjá Nerinu. 

Fleiri ömmur í bænum byrjuðu svo að taka þátt í verkefninu og fjölgaði ferðamönnum í þorpinu til muna við það.

Vegna útgöngu- og ferðabanns á Ítalíu hafa margir gestir þurft að afbóka dvöl sína hjá Nicolanto og Nerinu. Þær hafa því brugðið á það ráð að selja kennslustundir í gegnum netið. Hægt er að bóka kennslustundirnar á Nonnalive.com. 

Þótt þú komist ekki til Ítalíu sem stendur kemst Ítalía til þín í gegnum netið.

Tengdar fréttir

Ítalía

Ryan og Tanja Ýr fögnuðu ástinni við Cómó-vatn

• Versta matarupplifunin var í fegurðarsamkeppni í Mexíkó
• Fimm magnaðar sundlaugar sem þú verður að sjá
• Fór í brúðkaupsferð heim til Clooney
• Skoðaði Norður-Ítalíu á þremur dögum fyrir rúmar 4.300 krónur

» Fleiri tengdar fréttir

Stöndum saman

Þetta gerir Þórólfur þegar útlitið er svart: „Búin að vera þung vika“

• Nettó veitir 44 milljónir króna til góðgerðarmála
• Partíréttirnir sem Siggi Gunnars mælir með fyrir kvöldið!
• „Kirkjan er opin og kemur til þín“
• 400 krakka hópdans í morgunsólinni

» Fleiri tengdar fréttir

• Blogga um frétt