Fallegustu sumarbústaðirnir úti á landi

Hvernig væri að skella sér í sumarbústað?
Hvernig væri að skella sér í sumarbústað? Skjáskot/Airbnb

Nú þegar ómögulegt er að skella sér í sólina til útlanda er samt mikilvægt að skella sér í frí. Útbreiðsla kórónuveiru um heimsbyggðina getur haft slæm áhrif á geðheilsuna og því er mikilvægt að finna gleðina. 

Við erum svo heppin hér á Íslandi að búa að fjölda góðra sumarbústaða um allt land. Þótt hvert og eitt okkar eigi ekki sumarbústað eru aðrir til í að leigja okkur þá. Á leigumiðlunarvefsíðunni Airbnb má finna fjölda gullfallegra sumarbústaða. 

Við mælum með að skella sér í bústað, aftengja sig frá fréttum, lesa góða bók og hafa það notalegt. Hér eru fallegustu íslensku sumarbústaðirnir á Airbnb.

Villa Lola í Eyjafirði.
Villa Lola í Eyjafirði. Skjáskot/Airbnb

Villa Lola í Eyjafirði

Villa Lola er í 10 mínútna akstursfjarlægð frá Akureyri. Bústaðurinn er einstaklega fallegur og háir og fallegir gluggar einkenna húsið.

Hekla Comfort House.
Hekla Comfort House. Skjáskot/Airbnb

Hekla Comfort House á Hvolsvelli

Hekla Comfort House er í aðeins sjö mínútna akstursfjarlægð frá Hvolsvelli. Fullkominn staður til að skoða Suðurlandið sem og til þess að taka það rólega. 

Gunnuhús.
Gunnuhús. Skjáskot/Airbnb

Gunnuhús við Meðalfellsvatn

Ef þig vantar góða tengingu við náttúruna á þessum síðustu og verstu er Gunnuhús í Kjósinni hinn fullkomni sumarbústaður. Útsýni yfir Meðalfellsvatn er úr bústaðnum.

Tveir kósý bústaðir.
Tveir kósý bústaðir. Skjáskot/Airbnb

Kósí bústaðir í Reykholti

Þessi hús eru ansi kósí. Annað húsið er 30 fermetrar og hitt 15. Hinn fullkomni staður fyrir tvö pör eða fólk með börn. Stutt er í Friðheima og Gullfoss og Geysi frá bústaðnum, svona ef þið viljið vera ferðamenn í eigin landi.

mbl.is