Ekki stóð á svörum þegar grínistinn Sólmundur Hólm bað fylgjendur sína á Instagram um uppástungur um gott hótel. Sóli ætlar að stinga af í rómantíska ferð með unnustu sinni, Viktoríu Hermannsdóttur. Sóli líkti úrvalinu af hótelum á Íslandi við frumskóg og þurfti smá hjálp að halda.
Sóli sagði að hann þyrfti að komast aðeins í burtu frá annars yndislegum börnunum sínum. Hann var með nokkrar en þó hóflegar kröfur. Hann vildi helst ekki þurfa að keyra í meira en tvo tíma, en Sóli og Viktoría búa í Reykjavík. Það þarf að vera heitur pottur á hótelinu og veitingastaður. Fleiri voru kröfurnar ekki.
Ferðavefur mbl.is tók saman þær uppástungur sem bárust Sóla á Instagram. Mögulega eru einhverjir þreyttir foreldrar í sömu hugleiðingum og geta nýtt sér tillögurnar.
Hótel Búðir á Snæfellsnesi.
B59 í Borgarnesi.
Hótel Rangá.
Stracta Hotel á Hellu.
Hótel Selfoss.
Hótel Örk í Hveragerði.
Sveitahótelið Hraunsnef í Norðurárdal.
Ion-hótelið á Nesjavöllum.
Hótel Geysir.
Hótel Húsafell.
Hótel Vestmannaeyjar.
Hótel Keilir í Reykjanesbæ.
Hótel Grímsborgir í Grímsnesi.
Hótel Hamar í Borgarnesi.
Hótel Glymur í Hvalfirði.