Landsmenn voru duglegir að ferðast um landið um helgina enda flestir byrjaðir í sumarfríi. Fræga fólkið hefur verið duglegt að deila fréttum af ferðalögum sínum á samfélagsmiðlum og voru margir á Suðurlandi um helgina. 

Áhrifavaldurinn Birgitta Líf Björnsdóttir fór á sitt fyrsta golfmót á Kiðjabergsvelli um helgina. 

Sjónvarpsmaðurinn Bogi Ágústsson og stjórnmálafræðingurinn Ólafur Þ. Harðarson voru staddir á Húsavík um helgina og skelltu sér í sjóböðin. Bogi sagði þá félaga hafa hist fyrir tilviljun. 

Leikstjórinn Selma Björnsdóttir var í Flatey um helgina ásamt kærasta sínum Kolbeini Tuma Daðasyni. Í eyjunni voru einnig leikarahjónin Unnur Ösp Stefánsdóttir og Björn Thors. 

Fegurðardrottningin Manuela Ósk Harðardóttir skellti sér til Vestmannaeyja. Hún naut þess síðan að vera á Suðurlandi í gær og kíkti meðal annars í Friðheima. Með í för var nýi kærastinn, Eiður Birgisson og börn. 

Áhrifavaldurinn Sunneva Eir Einarsdóttir og ráðherrasonurinn Benedikt Bjarnason fóru í útilegu. Kíktu þau meðal annars á Seljalandsfoss og Kirkjubæjarklaustur. Áður en parið fór af stað fékk Sunneva Eir góð ráð á Instagram varðandi tjaldstæði sem leyfa gesti undir 25 ára. 

Áhrifavaldurinn Lína Birgitta og kírópraktorinn Guðmundur Birkir Pálmason gistu á Hótel Geysi um helgina. 

Tengdar fréttir

Stjörnur á ferð og flugi

Með kærastanum á framandi slóðum

• Reykjavíkurdóttir heimsótti gamlar slóðir
• Laufey og Daði Freyr á Lollapalooza
• Heitasta par í heimi sleikti sólina
• Netflix-stjörnur í sjóðheitu fríi í Mexíkó

» Fleiri tengdar fréttir

• Blogga um frétt