Fræga fólkið á flakki um landið
Setja bókamerki
Tengdar fréttir
Stjörnur á ferð og flugi
Fræga fólkið lét ekki gula viðvörun stoppa sig og var á flakki um landið um helgina. Suðurlandið var vinsælt enda veðrið einna skást þar. Mikið var að gerast um helgina, tónleikar RÚV á Norðulandi fóru fram á Siglufirði og Laugavegshlaupið fór fram.
Félagarnir Auðunn Blöndal og Sverrir Þór Sverrisson eða Auddi og Sveppi eins og þeir eru betur þekktir sem voru í fjölskylduútilegu á Flúðum. Lítið var um lítil tjöld og meira var um húsbíla og hjólhýsi. Leikarinn Guðjón Davíð Karlsson eða Gói var einnig á svæðinu og knattspyrnustjarnan Rúrik Gíslason kíkti einnig við en hann var í Þórsmörk um helgina.
Þrátt fyrir mikla rigningu á Siglufirði fór vel um Helgu Möller á Siglufirði. Söngkonan fylgdist með dóttur sinni, Elísabetu Ormslev, syngja á tónleikum RÚV á Norðurlandi. Sást glitta í Helgu á meðal áhorfenda í salnum á Kaffi Rauðku.
Fjölmargir hlauparar hlupu í Laugavegshlaupinu á laugardaginn. Snorri Björnsson, áhrifavaldur og hlaðvarpsstjórnandi, var þriðji í karlaflokki og fyrsti Íslendingurinn. Fjárfestirinn Bjarni Ármannson hljóp einnig í hlaupinu og kom í mark á fimm klukkutímum og 49 mínútum.
Áhrifavaldurinn Birgitta Líf Björnsdóttir fór með hundinum sínum Bellu og vinum í tjaldútilegu í Þjórsárdal. Birgitta skoðaði sig um í nágrenninu og skoðaði meðal annars Háafoss.
Brimbettakappinn Heiðar Logi Elíasson og samkvæmisdansarinn Ástrós Traustadóttir voru á Austurlandi um helgina en þau eru á hringferð. Þau böðuðu sig í Vök og skoðuðu hið umtalaða Stuðlagil.
Áhrifavaldurinn Lína Birgitta og kírópraktorinn Guðmundur Birkir Pálmason fóru til Hafnar um helgina og gistu á gistiheimilinu Milk Factory.
Tengdar fréttir
Stjörnur á ferð og flugi
Banna mengandi búnað sem leyfður er á Íslandi
Skiptir miklu meira máli en fólk grunar
Vélsleðaslys: Þyrlan kölluð út á mesta forgangi
Skar höfuðleðrið af íslenskri konu
/frimg/6/26/626448.jpg)
/frimg/1/48/64/1486409.jpg)
„Umsátursástand“
