Hinum malasíska Zackrydz Rodzi brá heldur betur í brún þegar hann endurheimti símann sinn úr höndum apa á dögunum og sá að apinn hafði tekið fjölda mynda og myndbanda.
Rodzi deildi myndunum sem apinn tók á samfélagsmiðlum og hefur hlotið mikla athygli í kjölfarið. Hann segir í viðtali við BBC að hann hafi tekið eftir því að síminn hans var horfinn þegar hann vaknaði á laugardaginn síðasta.
Ekki virtist vera um innbrot að ræða en hann leitaði símans allt fram á sunnudag. Á sunnudag heyrðist í símanum í frumskóginum við hús hans. Þegar Rodzi fór að skoða símann komst hann að því að apinn hafði tekið myndbönd og myndir á símann. Af myndböndunum að dæma var hann að reyna að éta símann.
A Malaysian man went bananas after discovering that his lost phone contained selfies and footage shot by a monkey! 🐒 Zackrydz Rodzi found the phone behind his home, covered in dirt and water. pic.twitter.com/ckkHPF8pfB
— Breakfast Television Toronto (@BTtoronto) September 16, 2020