Með Mónakófursta og nýjum kærasta í fríinu

Leikkonan Rebel Wilson kynnti heiminn fyrir nýja kærastanum Jacob Busch á dögunum. Parið var í lúxusferð í Mónakó. Sameiginlegur vinur kynnti parið í fyrra og eru þau loksins tilbúin að mæta á rauða dregilinn saman og á ekki ómerkari stað en Mónakó. 

Parið var meðal annars í félagsskap Alberts Mónakófursta. Þau fóru uppáklædd á galakvöld á hans vegum. Glamúrinn í Mónakó fór ekki á milli mála og voru síðkjólar og fín jakkaföt allsráðandi. 

Frétt af mbl.is

Er enn að dásama Íslandsferðina

Eftir að hafa mætt saman á rauða dregilinn og hitt Mónakófursta slökuðu þau aðeins á saman. Þau fóru um borð á snekkju eins og fólk gerir alla jafna í Mónakó. Á mynd sem Busch birti á Instagram um helgina leit ferð þeirra út eins og póstkort frá Mónakó. Sól og fallegur blár sjórinn setti ævintýralegan svip á ferðalag þeirra.