Landsliðsmaðurinn Rúrik Gíslason og kærasta hans, fyrirsætan Nathalie Soliani, nýttu helgina í að ferðast um landið. Þau fóru í ferð upp á Langjökul og eyddu laugardagskvöldinu í Giljaböðunum í Húsafelli.
Rúrik birti mynd úr Giljaböðunum á laugardagskvöldið á Instagram og sjá mátti að þau fengu fullkomna norðurljósasýningu á meðan þau böðuðu sig. Hann tók fram að ekki væri um samstarf að ræða og þau hefðu greitt fyrir gistinguna í Húsafelli.
Giljaböð eru í landi Húsafells og ekki opin almenningi heldur þarf að bóka ferð í böðin þegar maður gistir í Húsafelli.