Frakkar ekki ánægðir með Emily in Paris

Þættirnir Emily in Paris sem frumsýndir voru á Netflix á föstudaginn síðasta hafa ekki slegið í gegn hjá frönskum kvikmyndagagnrýnendum. Þættirnir hafa notið mikillar athygli síðustu daga og vakið sterkar tilfinningar. 

Þættirnir fjalla um unga bandaríska konu sem flytur til Parísar í Frakklandi. Þar lendir hún í ævintýrum í bæði ástamálum og í tískuheiminum.

Frétt af mbl.is

Fyrir þá sem sakna ástarævintýra í París

Frakkar hafa gagnrýnt þættina og gert grín að þeim fyrir að sýna Frakka og Parísarbúa í steríótýpísku ljósi. 

Í gagnrýni sinni á þættina skrifaði Charles Martin: „Við lærum að Frakker eru allir slæmir (já, já) og við lærum að þeir eru latir og mæta aldrei á skrifstofuna fyrr en rétt fyrir hádegi, þeir eru miklir daðrarar og skilja ekki hugmyndina um tryggð, þeir gera kynjum mishátt undir höfði og að sjálfsögðu eiga þeir í furðulegu sambandi við sturtur. Já það vantar engar klisjur, ekki einu sinni þær lélegustu.“

Fleiri franskir gagnrýnendur benda á það sama og Martin; að þættirnir séu uppfullir af klisjum um hvernig Parísarbúar hagi lífi sínu. 

„Vandræðalegir þættir, algjörlega röng mynd dregin upp af París. Þetta er fáránleg og illa leikin sería. Eins og París snúist bara um tísku, ást og croissants. Nei,“ skrifaði Frakki í gagnrýni sinni á þættina á vefnum AlloCiné. 

• Blogga um frétt