Þeir sem þekkja Sandeman-púrtvínið ættu ekki að láta það framhjá sér fara að gista á einu fallegasta hosteli veraldar; The House of Sandeman. Ferðaglaðir Íslendingar þurfa að sætta sig við að skipuleggja framtíðarferðalög um þessar mundir, en hver veit nema Portúgal verði staðurinn sem fólk fer á næst.
Hostelið er í Porto, borg í norðurhluta Portúgals við nyrðri bakka Douro-árinnar og liggur að Atlantshafi. Porto er önnur stærsta borg Portúgals og er höfuðborg norðurhlutans. Á stórborgarsvæði Portó búa 2,4 milljónir manna.
Veðurfarið þar er milt. Sumrin eru heit en hitastigið þó lægra en í flestum borgum í suðurhlutanum þökk sé köldum vindum sem blása frá hafinu.
Hostelið er í Vila Nova de Gaia, sem er borg í Porto þar sem púrtvínsframleiðsla fer fram. Það er í sögufrægu húsi þar sem framleitt er vinsælt púrtvín. Útsýnið frá herbergjunum er einstakt, þar sem áin liðast meðfram staðnum.
Á svæðinu eru einstaklega góðir veitingastaðir og er miðbærinn í Portó í einungis tíu mínútna göngufæri. Hægt er að leigja sér hjól á staðnum og fara í stutta hjólreiðatúra á svæðinu.
Inni á herbergjunum eru frumleg rúm með smart rúmgöflum. Ljós litur, brúnn og svartur eru í öndvegi.
Sjón er sögu ríkari. Staðurinn er einstakur fyrir þá sem kunna að meta góða staðsetningu og ljúffengt púrtvín.
View this post on InstagramA post shared by Sandeman Porto (@sandemanporto) on Jun 4, 2020 at 9:00am PDT