Á meðan heimsfaraldur geisar eru ferðalög eitt stórt spurningarmerki. Nýsjálenska flugfélagið Air New Zealand nýtir sér spurningarmerkið stóra í markaðssetningunni þessa dagana.
Air New Zealand býður nú upp á óvissuferðir þar sem farþegar greiða ákveðna upphæð fyrir ferðapakka með flugfélaginu og samþykkja í leiðinni að fá ekki að vita hver áfangastaðurinn er fyrr en tveimur dögum fyrir brottför.
Ódýrasti pakkinn kostar 599 ástralska dollara en farþegar geta valið um þrjá mismunandi pakka; Great, Deluxe og Luxury. Farþegar velja svo óskadagsetningar og velja einn áfangastað sem þeir vilja alls ekki heimsækja.
Flugfélagið flýgur til 20 áfangastaða innan Nýja-Sjálands, þar á meðal Napier og Dunedin.
Vel hefur gengið í baráttunni við kórónuveiruna í Nýja-Sjálandi og geta íbúar landsins ferðast eins og þá lystir innanlands. Þeir geta hins vegar ekki flogið til hvaða lands sem er utan landsins án þess að fara í sóttkví þegar þeir koma aftur heim.
Aðeins 1.531 smit hefur greinst í Ástralíu og 25 látist.
Landið er lokað fyrir næstum því öllum erlendum ferðamönnum og því hafa stjórnvöld gripið til þess að hvetja fólk til að ferðast innanlands.