Jöklarútan Sleipnir brunar á allt að 60 km/klst hraða uppi á Langjökli. Fréttastofa AFP fjallaði á dögunum um jöklarútuna.
Sleipnir er 15 metra langur og er með átta hjól líkt og Sleipnir, hestur Óðins, var með átta fætur í goðafræðinni.
Ofan af Langjökli, sem stendur í um 1.450 metra hæð yfir sjávarmáli, er einstaklega fallegt útsýni en þaðan má meðal annars sjá Ok, fyrsta jökulinn til að hverfa á tímum loftslagsbreytinga.