Sophia Loren leikur í nýrri mynd, The Life Ahead, sem gerist í Bari í Puglia-héraði á Suður-Ítalíu. Þetta er mikið fagnaðarefni fyrir Ítalíuunnendur enda er Bari þekkt fyrir fádæma fegurð og ítalska gestrisni.
Aldur er engin fyrirstaða fyrir Sophiu Loren en hún er 86 ára og enn að leika í kvikmyndum. Sonur Loren, Edoardo Ponti, leikstýrir myndinni sem fjallar um munaðarlausan strák sem lendir undir verndarvæng Rosu sem Loren leikur. Myndin, sem kemur út á Netflix, fær miðlungsdóma en frammistaða Loren þykir þó frábær.