Yfir 100 þúsund manns hafa skráð sig sem sjálfboðaliða í prufusiglingu með Royal Caribbean. Skemmtiferðaskipafélagið auglýsti eftir sjálfboðaliðum til að fara í prufusiglingu þar sem sóttvarnareglur um borð verða prófaðar.
Framkvæmdastjóri Royal Caribbean, Michael Bayley, greindi frá þessum mikla áhuga á persónulegri Facebook-síðu sinni. Í færslunni sagðist hann ekki geta beðið eftir því að hefja þennan nýja kafla.
Sóttvarnastofnun Bandaríkjanna (CDC) setti reglur fyrr í haust í þeim tilgangi að koma skemmtiferðaskipum aftur í gagnið. Samkvæmt þeim reglum þurfa öll skip að fara í prufusiglingu þar sem látið er reyna á sóttvarnareglur um borð. Upp kom nokkur fjöldi hópsmita um borð í skemmtiferðaskipum í fyrstu bylgju faraldursins í vor og hafa fá skip siglt síðan þá.
And just like that...100,000 people have volunteered. We can’t wait to start this next phase with you all! 🚢 ⚓️
Posted by Michael Bayley on Sunday, 15 November 2020