Reykjavík einn besti jólaáfangaastaðurinn

Reykjavík var valin á lista yfir bestu áfangastaðina til að ferðast til yfir jólin á vef Big Seven Travel. Listinn er byggður á svörum um 1,5 milljóna manna sem voru spurðir hvar þeir fyndu mest fyrir jólaandanum og hvar bestu jólaskreytingarnar væru. 

Reykjavík var í 22. sæti af 25 en á listanum eru stórkostlegar borgir víða um heim. Efst á listanum er Dresden í Þýskalandi en þar er að finna elsta jólamarkað Þýskalands. Í öðru sæti er Woodstock í Vermont í Bandaríkjunum en bærinn þykir einstaklega fallegur yfir jólin.

Í þriðja sæti er borgin Franklin í Tennessee í Bandaríkjunum, en þar er á ári hverju haldin sannkölluð jólahátíð yfir tvo daga sem kallast Dickens of Christmas. Hátíðin byggist á ævintýrum Charles Dickens. Í fjórða sæti er New York-borg en jólin í borginni eru einstök upplifun fyrir alla.

1. Dresden, Þýskalandi 
2. Woodstock, Bandaríkjunum
3. Franklin, Bandaríkjunum
4. New York, Bandaríkjunum
5. Moskva, Rússlandi
6. London, Bretlandi
7. Leavenworth, Bandaríkjunum
8. Aarhus, Danmörku
9. Williamsburg, Bandaríkjunum
10. Colmar, Frakklandi
11. Mont Tremblant, Kanada
12. Coburg, Þýskalandi
13. Dublin, Írlandi
14. Newport Beach, Bandaríkjunum
15. Dahlonega, Bandaríkjunum
16. Winchester, Bretlandi
17. North Pole (bær í Alaska), Bandaríkjunum
18. Frankenmuth, Bandaríkjunum
19. Malta
20. Rovaniemi, Finnlandi
21. Honolulu, Bandaríkjunum
22. Reykjavík, Íslandi
23. San Miguel de Allende, Mexíkó
24. Tókýó, Japan
25. Bad Ragaz, Sviss

• Blogga um frétt