Íslensku áfangastaðirnir sem slógu í gegn á árinu
Setja bókamerki
Ferðaárið 2020 var heldur óhefðbundnara en síðustu ár. Þar sem Íslendingar gátu lítið ferðast til útlanda nýttu þeir tækifærið og ferðuðust innanlands. Sá áfangastaður sem sló hvað mest í gegn hjá Íslendingum á árinu var án efa Stuðlagil.
Stuðlagil er gullfalleg náttúruperla á Austurlandi sem uppgötvaðist eftir að Kárahnjúkavirkjun var byggð. Einstakt stuðlabergið er í aðalhlutverki í gilinu ásamt Jöklu sem skartar sínu fegursta þegar hún er himinblá á litinn.
Vök-böðin á Austurlandi vorur einnig áberandi í ferðalögum Íslendinga þetta árið en böðin eru einstök upplifun fyrir alla fjölskylduna.
Auk Vök baths voru Sjóböðin á Húsavík einnig fyrirferðarmikil á samfélagsmiðlum og margir sem birtu mynd af sér í sjóböðunum með Kinnarfjöllin og Skjálfanda í bakgrunni.
Giljaböðin í Húsafelli voru einnig vinsæll áfangastaður margra en böðin voru búin til í einstöku umhverfi í Borgarfirðinum.
Hótel Geysir var án efa eitt af vinsælustu hótelum landsins í sumar. Hótelið er gríðarlega fallegt og tilvalið að ná góðum myndum þar.
Sjaldan hafa jafn margir Íslendingar skellt sér á Vestfirðina eins og í sumar. Fossinn Dynjandi var vinsæll áfangastaður þeirra sem fóru vestur.
Margir nýttu tækifærið í sumar og kíktu á gljúfrið sem tónlistarmaðurinn Justin Bieber gerði frægt. Fjaðrárgljúfur er sannarlega einstakur staður sem margir heimsóttu í sumar.
Bjarni hvetur til stillingar
Ekki orðinn þreyttur á vöfflukaffi
Gleymir seint deginum sem skriðurnar féllu
Íranar hafi vísvitandi gætt hófs
„Hernaðaraðgerðinni er ekki lokið“
Bláa lóninu aftur lokað vegna gasmengunar
„Ennþá í hálfgerðu áfalli yfir þessari frétt“
Skýrt skref í átt að stigmögnun
