Ferðuðust mikið í heimsfaraldrinum

Guðmundur Birkir og Lína Birgitta hafa nýtt árið vel til …
Guðmundur Birkir og Lína Birgitta hafa nýtt árið vel til ferðalaga. Ljósmynd/Instagram

Áhrifavaldurinn Lína Birgitta Sigurðardóttir og kærasti hennar Guðmundur Birkir Pálmason hafa heldur betur verið dugleg að ferðast saman á árinu. Þau náðu tveimur ferðum til útlanda fyrir heimsfaraldurinn og náðu að fara í þrjár ferðir á meðan faraldurinn var í lágmarki. Þar að auki ferðuðust þau mikið innanlands.

Í janúar fóru þau í sína fyrstu utanlandsferð þegar Gummi bauð Línu til Svíþjóðar. Í febrúar fóru þau svo til London en Gummi hafði aldrei komið til borgarinnar. Þá fór fyrst að kvisast að þau ættu í sambandi. 

Í mars bauð Gummi svo Línu í hringferð um landið en hún hafði aldrei keyrt hringinn. Í júní heimsóttu þau Berlín og nutu alls þess besta sem borgin hefur upp á að bjóða. Í júlí fóru þau til borgar ástarinnar, Parísar.

Í ágúst skelltu þau sér til Kaupmannahafnar og nutu þar í góðra vina hópi.

Nú í vetur bauð Lína svo Gumma í afmælisferð þar sem þau dvöldu á Hótel Grímsborgum og Hótel Geysi í góðu yfirlæti.

mbl.is
Fleira áhugavert
Fleira áhugavert