Ferðaþorsti heimsbyggðarinnar leynir sér ekki um þessar mundir. 180 daga sigling Oceania Cruises seldist upp á aðeins einum degi. Miðaverðið var alls ekki lágt en miðinn kostar um 38 þúsund pund, eða 6,7 milljónir króna.
Siglingin er líka alls ekki á næsta leiti, heldur er gert ráð fyrir því að sigla úr höfn árið 2023 og heimsækja 96 áfangastaði í 33 löndum.
Alls voru 684 miðar í boði og seldust þeir upp á nokkrum klukkustundum. Þá voru nokkrir miðar í boði í lengri siglingu, 218 daga, og seldust þeir líka upp.
Stefnt er á að skipið sigli úr höfn 15. júlí 2023 í San Francisco og komi aftur í höfn tæpum sex mánuðum seinna, 13. júlí.