Brimbrettakappinn Heiðar Logi Elíasson og crossfit-konan Ragnheiður Sara Sigmundsdóttir fóru saman í þyrluflug yfir gossvæðið í Geldingadal við Fagradalsfjall á laugardaginn. Margir kusu að skoða eldgosið úr lofti um helgina.
Sara og Heiðar Logi fóru í útsýnisflugið ásamt nokkrum öðrum. Með í för var meðal annars móðir Heiðars Loga. Fór vel á með hópnum en þyrlan lenti meðal annars í grennd við gosstöðvarnar.
Sara hefur verið ein fremsta crossfit-kona í heimi undanfarin ár. Hún lenti í þriðja sæti á heimsleikunum árin 2015 og 2016. Heiðar Logi er ekki síðri íþróttamaður en hann er fyrsti og eini atvinnubrimbrettamaður Íslands.