Rauðisandur meðal bestu stranda Evrópu

Rauðisandur er á meðal fegurstu stranda í Evrópu að mati Lonely Planet. Rauðasandur er þar í 12. sæti en á listanum er fjöldi fallegra stranda í heimsálfunni. 

„Við Látrabjarg á hinum fjarlægu Vestfjörðum Íslands er Rauðisandur, stór, auður og ótrúlega fallegur. Ströndin fær bronsaðan lit sinn úr niðurbrotinni hörpuskel og er römmuð inn af dökkum klettum með fallegt heiðblátt lón í forgrunni. Ef þú ákveður að fara að Látrabjargi gáðu þá hvort þú sérð lunda og seli. Á heiðum degi sérðu Snæfellsjökul í fjarska,“ segir um Rauðasand á vef Lonely Planet. 

Efst á lista Lonely Planet er ströndin Haukland í Noregi. Í öðru sæti er Cala Goloritzé á Ítalíu og í því þriðja er vesturströndin í Skotlandi. 

1. Hauklandströnd í Noregi
2. Cala Goloritzé á Ítalíu
3. Vesturströndin í Skotlandi
4. Plage de Palombaggia í Frakklandi 
5. Platja Illetes á Spáni
6. Barafundle flói í Wales
7. Praia de Arrifana í Portúgal
8. Cala Macarella á Spáni
9. Navagioströnd á Grikklandi
10. Platja de Coll Baix á Spáni
11. Ile de Porquerolles í Frakklandi
12. Rauðisandur á Íslandi
13. Praia as Catedrais á Spáni
14. Sveti Stefan í Svartfjallalandi
15. Laraströnd á Kýpur
16. Zlatni Rat í Króatíu
17. Dueodde í Danmörku
18. Keemflói á Írlandi
19. Myrtosströnd á Grikklandi
20. Spiaggia dei Conigli á Ítalíu

Rauðasandur mbl.is/Ómar Óskarsson

• 1 blogg um fréttina

Bloggað um fréttina

• Ómar Ragnarsson: Þarf að hafa svona nöfn rétt rituð erlendis. "Reykjarvík"?