Skíðasvæði Tindastóls í Skagafirði hefur upp á ýmislegt að bjóða en í febrúar 2020 var tekin í notkun ný lyfta á svæðinu.

Með tilkomu nýju lyftunnar stækkar svæðið til muna en toppur lyftunnar er í rúmlega 900 metra hæð.

Því miður fyrir skíðaáhugafólk er lyftan sjaldnast opin og þá er ágætt að eiga fjallaskíði eða fjallabretti fyrir utanbrautaráhugafólk.

Helgina 13.-14. mars var frábært veður í Skagafirði, glampandi sól og blankalogn, og því var ákveðið að skinna á topp Tindastóls.

Þegar þangað var komið blasti við stórbrotið útsýni yfir bæði Drangey ásamt öllum Skagafirðinum eins og hann lagði sig.

Þaðan lá leiðin í átt að Nónnibba og Miðtindi, en frá þeim sést vel yfir Atlantshafið.

Til að toppa daginn var svo færið á leiðinni niður púðursnjór í bland við sólbráð.

Það sem gerði ferðina niður ennþá eftirminnilegri var síðdegissólin sem var hægt og rólega farin að undirbúa sig til setu.

Smelltu hér til að fylgja mér á Instagram.