Filippus prins lést föstudaginn síðastliðinn. Hann var vanur þjónum og kokkum en þegar hann fór í frí í Balmoral-kastala á sumrin tók hann fram grilltangirnar. Það eru til margar sögur af grillveislum hans og minnist Harry Bretaprins afa síns sem grillmeistara. 

„Eigum við lax sem einhver í fjölskyldunni veiddi? Drottningin er búin að tína jarðarber með Margréti prinsessu, borðum þau í kvöldmat,“ sagði Filippus við starfsmenn í eldhúsinu að því er fram kemur á vef Hello. 

Ráðskona í Balmoral-kastala í Skotlandi sagði hjónin njóta þess að bjóða fjölskyldu og vinum í afslappaðar veislur í sumarfríinu. „Hertoginn eldar, drottningin gerir borðið klárt. Það er ekkert starfsfólk að þjóna.“

Í bókinni Queen of the World var greint frá því að Filippus hefði dregið grillið fram á ólíklegustu stöðum og væri ekkert sem hann grillaði ekki. Filippus væri fremstur í flokki með grillið en drottningin mætti seinna með salat og annað meðlæti.

Drottningin og eiginmaður hennar í Balmoral. AFP

Tengdar fréttir

Kóngafólk í fjölmiðlum

Þráir að hitta barnabörnin sín

• Nýgift og eiga von á barni
• Karl opnar Balmoral-kastala og seldist upp strax
• Hvernig á að tala við börn um veikindi
• Kápa Meghan kostaði yfir hálfa milljón

» Fleiri tengdar fréttir

• Blogga um frétt