Harry Bretaprins mun fljúga aftur til Bandaríkjanna stuttu eftir jarðarför afa síns, Filippusar prins. Jarðarförin fer fram á laugardaginn næstkomandi. Harry kom til Bretlands á sunnudag og fór í fimm daga sóttkví.

Ástæðan fyrir því að Harry mun ekki dvelja með fjölskyldu sinni á Bretlandi í langan tíma er að eiginkona hans Meghan hertogaynja gengur nú með annað barn þeirra. Hún gat ekki ferðast til Bretlands vegna þessa. 

Þetta er í fyrsta skipti sem Harry kemur til Bretlands síðan hann flutti til Bandaríkjanna á síðasta ári. Harry flaug með áætlunarflugi British Airways til Bretlands, ásamt öryggisgæslu, og lenti á Heathrow-flugvelli. Hann hefur dvalið í sóttkví í Frogmore Cottage þar sem frænka hans Eugenie prinsessa býr ásamt fjölskyldu sinni.

Sagt er að Meghan hafi viljað vera viðstödd jarðarförina og reynt með öllum mætti að fá leyfi frá lækni til þess. En að lokum fékkst það ekki og hún því heima í Bandaríkjunum með son þeirra Archie.

Tengdar fréttir

Kóngafólk í fjölmiðlum

Lúðvík prins fagnar sex árum

• Í fyrstu heimsókn eftir krabbameinsgreiningu Katrínar
• Þráir að hitta barnabörnin sín
• Nýgift og eiga von á barni
• Karl opnar Balmoral-kastala og seldist upp strax

» Fleiri tengdar fréttir

• Blogga um frétt