Farþegi á Heathrow-flugvelli í London í Bretlandi hneig niður eftir að hafa staðið í biðröð á vellinum í sjö klukkustundir. Langar biðraðir hafa myndast á Heathrow undanfarna daga vegna þess hve langan tíma tekur að komast inn í landið vegna landamæraeftirlits.
Blaðamaðurinn Kashif Iqbal deildi myndbandi af farþeganum liggjandi á gólfinu á Twitter í vikunni. Þar má sjá starfsmann vallarins krjúpa við hlið hans.
Talsmaður Heathrow hefur staðfest við Independent að farþegi hafi hnigið niður eftir 90 mínútna rifrildi um sóttkvíarhótel í landamæraeftirlinu. Að þeirra sögn var farþeginn ekki með rétta pappíra til að komast á sóttvarnahótel.
A passenger collapsed at Heathrow Airport today after 7hr waiting for entry clearance. @HeathrowAirport @UKBorder pic.twitter.com/50rkNnM1Q7
— kashif iqbal (@kashifiqbal81) April 12, 2021