Lavinia nokkur Mounga fæddi á dögunum barn í flugvél Delta Air Lines á leið frá Salt Lake City til Honolulu á Havaí. Mounga vissi ekki að hún væri ólétt og því kom fæðing barnsins enn meira á óvart. 

Mounga fæddist sonur sem hefur fengið nafnið Raymond. Hjúkrunarfræðingur sem var um borð metur að hún hafi verið gengin 26 til 27 vikur á leið með soninn. Mounga er nú á spítala í Honolulu með litla drengnum sínum þar sem hann fæddist mikið fyrir tímann. Fjöldi lækna og hjúkrunarfræðinga var um borð og tók á móti honum.

Saga Mounga hefur farið sem eldur í sinu um samfélagsmiðla eftir að önnur kona, Julia Bernice, deildi sögu hennar á TikTok.

Systir Mounga hefur blásið til söfnunar á Go Fund Me þar sem fólk getur styrkt þau mæðginin. Á síðunni segir systirin að Mounga þurfi að dvelja á Havaí þar til Raymond litli er orðinn nógu hraustur til að fljúga aftur heim til Utah. 

Tengdar fréttir

Furðulegt á ferðalögum

12 hlutir sem þú ættir aldrei að gera í flugi

• Versta matarupplifunin var í fegurðarsamkeppni í Mexíkó
• Benjamin varð vitni að einstöku fyrirbæri á Svalbarða
• Bjó á flugvelli í Bologna í níu mánuði
• Færir þú í nektarsiglingu?

» Fleiri tengdar fréttir

• Blogga um frétt