Kanadískum karlmanni hefur verið gert að yfirgefa indónesísku eyjuna Balí fyrir að bjóða upp á jógatíma þar sem iðkendur geta fengið fullnægingu. Stjórnvöld í Indónesíu segja tímana stangast á við hefðir og gildi í Indónesíu. 

Karlmanninum, Christopher Kyle Martin, var gert að yfirgefa Balí á sunnudag eftir að hafa auglýst tímana sína á netinu. Hann greiddi svo 20 evrur til að gera auglýsinguna sýnilegri og þá fór hún um sem eldur í sinu á samfélagsmiðlum í Indónesíu. 

„Þetta skemmir orðspor Indónesíu og Balí sem ferðamannastaðir,“ sagði Wayan Koster, ríkisstjóri á Balí, á sunnudag. 

Martin kom til Balí í apríl og fékk vegabréfsáritun fyrir ferðamenn. 

Hann er ekki fyrsti erlendi ferðamaðurinn sem hefur verið vísað frá Balí í heimsfaraldrinum. Fjöldi erlendra ferðamanna hefur verið sendur heim fyrir að brjóta sóttvarnareglur. Á síðasta ári var sýrlenskur jógakennari sendur úr landi fyrir að halda fjölmennan jógatíma.

Tengdar fréttir

Furðulegt á ferðalögum

12 hlutir sem þú ættir aldrei að gera í flugi

• Versta matarupplifunin var í fegurðarsamkeppni í Mexíkó
• Benjamin varð vitni að einstöku fyrirbæri á Svalbarða
• Bjó á flugvelli í Bologna í níu mánuði
• Færir þú í nektarsiglingu?

» Fleiri tengdar fréttir

• Blogga um frétt