Beint flug til Rómar á 8.400

Wizz Air mun hefja beint áætlunarflug til Rómar 16. júlí.
Wizz Air mun hefja beint áætlunarflug til Rómar 16. júlí. AFP

Ungverska flugfélagið Wizz Air mun hefja beint flug til Keflavíkur frá höfuðborg Ítalíu, Róm, samkvæmt heimasíðu flugfélagsins. Síðasta sumar var félagið með beint flug frá Mílanó einu sinni í viku, en þurfti að bæta við flugferðum þaðan þegar leið á sumarið vegna vinsælda.

Wizz Air tekur á loft frá Miðnesheiði.
Wizz Air tekur á loft frá Miðnesheiði. Mynd/Wizz Air

Flogið verður á alþjóðaflugvöllinn Fiumicino (FCO) sem er 35 kílómetra frá höfuðborginni. Fyrsta flug til Rómar verður föstudaginn 16. júlí og er verðið frá 8.400 krónum á gengi dagsins.

Wizz Air mun fljúga þrisvar í viku út sumarið og einnig næsta vetur, þetta er því frábær möguleiki fyrir landsmenn til að lengja sumarið næsta haust á Ítalíu.

mbl.is
Fleira áhugavert
Fleira áhugavert