Hollywoodstjörnurnar Jennifer Lopez og Ben Affleck sleikja sólina í Evrópu um þessar mundir. Ekki langt frá þeim er fyrrverandi unnusti Lepez, fyrrverandi hafnaboltakappinn Alex Rodriguez, sem virðist nánast elta fyrrverandi unnustu sína. 

Lopez hélt upp á afmæli sitt á frönsku rivíerunni um helgina í St. Tropez sem er þekktur fyrir að vera sumarleyfisstaður ríka og fræga fólksins. Þau Affleck ferðast um á rándýrri snekkju og héldu af stað með snekkjunni frá Mónakó til Ítalíu. Á þriðjudaginn sáust þau njóta lífsins á Capri, rétt fyrir utan Amalfi-ströndina á Ítalíu. 

Eins og vanalega er Rodriguez ekki langt undan. Hann var á heldur ódýrari snekkju við St. Tropez um helgina. Hann hélt upp á 46 ára afmæli sitt í gær, þriðjudag. Í gleðskapnum fór hann með einkaþotu með vinum sínum og fagnaði afmælinu á Ítalíu að því er fram kemur á vef Daily Mail. 

Bæði Lopez og Rodriguez eru dugleg að birta myndir af lúxuslífinu á instagramsíðum sínum. Parið sleit trúlofun sinni fyrr á árinu. 

Tengdar fréttir

Stjörnur á ferð og flugi

Með kærastanum á framandi slóðum

• Reykjavíkurdóttir heimsótti gamlar slóðir
• Laufey og Daði Freyr á Lollapalooza
• Heitasta par í heimi sleikti sólina
• Netflix-stjörnur í sjóðheitu fríi í Mexíkó

» Fleiri tengdar fréttir

Bennifer

Segir allt í lagi með Affleck

• Eru vandamál í paradís Afflecks og Lopez?
• Brúðkaupsferð í borg ástarinnar
• Komin aftur í vinnuna eftir brúðkaup
• Birtir myndir úr brúðkaupinu

» Fleiri tengdar fréttir

• Blogga um frétt