Athafnakonan og áhrifavaldurinn Lína Birgitta Sigurðardóttir og kærasti hennar Guðmundur Birkir Pálmason kírópraktor fóru til Parísar í morgun, fimmtudag. Þetta er ekki fyrsta utanlandsferð parsins þetta sumarið.
Parið ferðast mikið saman og fóru þau til Amsterdam í júní. Í þetta sinn ætla þau að vera í París í fimm daga en þau fóru einnig til Parísar í fyrrasumar. Lína og Guðmundur eru einnig þekkt fyrir áhuga sinn á tískuvörum og eiga því án efa eftir að njóta sín í borg ástarinnar sem stundum er kölluð höfuðborg hátískunnar.
Í þessari ferð ákvað Lína að prófa nýja handfarangurstösku frá franska tískuhúsinu Chloé en hún er vön að ferðast með tösku frá Louis Vuitton. Í handfarangri er Lína með tvenn sólgleraugu, verkjatöflur, spegil, fatarúllu og höfuðpúða fyrir ferðalagið.
Lína kom með fleiri góð ferðaráð fyrir þá sem ætla ferðast utan. Hún kaupir litla brúsa af sjampói og næringu. Fyrir ferðina keypti hún líka litla brúsa í Tiger sem sniðugt er að setja í snyrtivörur sem koma í stærri ílátum.