Franski tungumálakennarinn og fyrirsætan Sophie Gordon nýtur lífsins um þessar mundir í Tyrklandi. Gordon, sem er kærasta íslenska landsliðsmannsins í knattspyrnu Birkis Bjarnasonar, kann vel að meta nýja heimilið í tyrknesku borginni Adana þar sem Birkir leikur nú með félagsliðinu Adana Demirspor.
Gordon hefur birt fjölmargar myndir og myndbönd í story á samfélagsmiðlinum Instagram þar sem hún dásamar heimili þeirra í Adana. Borgin stendur skammt frá ströndum fyrir botni Miðjarðarhafs. Í borginni og útjöðrum hennar búa ríflega 1,8 milljónir manna.