Demi Moore hefur verið dugleg að ferðast um Ítalíu upp á síðkastið. Ekki er langt síðan hún sást spóka sig um Feneyjar þar sem hún mætti meðal annars á viðburði kvikmyndahátíðar sem þar fór fram.
Nú nýtur hún lífsins um borð í snekkju við strendur Ítalíu og gleðin skín úr andliti hennar. Hún birtir flotta mynd af sér í röndóttum sundfötum að hoppa hæð sína. Við myndina skrifar hún að þetta sé síðasta stökkið áður en hún hoppar inn í haustið. Leikkonan sem er 58 ára er augljóslega í góðu formi og kann að lifa í núinu.