Athafnakonan Lína Birgitta Sig­urðardótt­ir og kírópraktorinn Guðmund­ur Birk­ir Páls­son skruppu til Stokkhólms um helgina. Haustferðin var stutt og var ofurparið komið til Íslands í gærkvöldi. Tími haustferða til útlanda er greinilega kominn aftur. 

Lína og Guðmundur eru þekkt fyrir að koma við í dýrum merkjavörubúðum á ferðalögum sínum erlendis. Það kostar ekkert að skoða og margra milljóna merkjavörutaska fór ekki heim með Línu í þetta skiptið. Haustið er greinilega komið í sænsku höfuðborgina og voru þau Lína og Gummi klædd í notalegar yfirhafnir á milli þess sem þau settust niður og snæddu girnilegan mat. 

Parið er duglegt að ferðast saman og þurfa utanlandsferðirnar ekki að vera langar eins og ferðin til Stokkhólms sýnir. Í ágúst fóru þau í fjölskylduferð til Tenerife en það var ekki eina ferðin þeirra í sumar. 

Tengdar fréttir

Frægir ferðast

Ryan og Tanja Ýr fögnuðu ástinni við Cómó-vatn

• Rúrik í tökum með BMW á Coachella-tónlistarhátíðinni
• Tara Sif fagnaði afmælinu á Tenerife
• Linda Ben spilar á einum flottasta golfvelli Costa Blanca
• Birgitta Líf mætt til Spánar rúmum mánuði eftir fæðingu

» Fleiri tengdar fréttir

• Blogga um frétt