Zoe Saldana nýtur lífsins í fríi í Kyrrahafinu ásamt eiginmanninum. Þau eru dugleg að taka myndir af sér fáklæddum og birta á samfélagsmiðlum.
Leikkonan sem er 43 ára er gift ítölskum listamanni sem heitir Marco. Hann lætur ekki sitt eftir liggja og er duglegur að taka þátt í myndatökunum með Saldana.
Parið á saman sex ára tvíbura og fjögurra ára barn. Þau segjast ala þau upp í kynhlutlausu umhverfi.
„Við höfum mjög kynhlutlaust heimili. Eiginmaður minn tekur þátt í mörgu því sem konur ættu venjulega að gera og öfugt,“ sagði Saldana eitt sinn í viðtali. „Ég fæ að vinna fullt af „karla-störfum“ á heimilinu eins og til dæmis að gera við sjónvarpið og svo framvegis.“