Sara Lind Pálsdóttir, oft kennd við verslunina Júník, er í fríi í Karíbahafinu. Með Söru Lind í fríinu er kærasti hennar Kristján Þórðarson og börnin þeirra tvö. Fjölskyldan er stödd á eyjunni Curaçao.
Eyjan er algjör ferðamannaparadís undan strönd Venesúela. Hún var hluti af Hollensku Vestur-Indíum en fékk sjálfstjórn innan hollenska konungsríkisins árið 2010. Meðalhiti er 26-31 gráða í október. Það viðrar því vel til sólbaða.
Sara og Kristján eignuðust sitt annað barn í byrjun árs og birti Sara mynd af yngri dóttur sinni busla í sundlauginni. Hún birti einnig myndir af skjaldbökum í garðinum.