The Reykjavík Edition hótelið í miðborg Reykjavíkur opnar í forsýningu hinn 9. nóvember næstkomandi. Í fréttatilkynningu frá hótelinu segir að hótelið muni setja ný viðmið sem fyrsta sannkallaða lúxushótel borgarinnr.
Alls eru 253 herbergi og svítur á hótelinu, barir, veitingastaður, næturklúbbur og nútímalegt og félagsleg vellíðunarrými.
„Reykjavík er mjög svöl, ung borg – fullkomin fyrir vörumerkið okkar,“ segir Ian Schrager, frumkvöðull að hugmyndinni um boutique-hótel, og skapari Public og Edition.
„Á Íslandi sérðu hluti sem þú sérð hvergi annars staðar,“ segir Schrager. „Hér, frekar en nokkurs staðar í heiminum, hefurðu tækifæri á að komast í snertingu við náttúruna og við erum stolt af því að auka við EDITION-hótelkeðjuna á ótrúlegum stað með ótrúlega spennandi hóteli sem veitir þér sanna upplifun af staðnum.“
The Reykjavík EDITION er hannað undir leiðsögn ISC design (Ian Schrager Company) í samstarfi við íslensku arkítektastofuna T.ark og Roman and Williams í New York.
Á jarðhæð er veitingastaðurinn Tidaes með sér borðsal, bakarí og kaffihúsi. Á jarðhæðinni er einni barinn Tölt sem er hannaður í anda Runch Room á The London Edition hótelinu. Tides er stýrt af Gunnari Karli Gíslasyni, kokkinum á bak við veitingastaðinn Dill. Í kjallara hótelsins mun næturklúbburinn Sunset opna seinna á þessu ári.