Brynja Dan Gunnarsdóttir, varaþingmaður Framsóknar og stofnandi Extraloppunnar, plataði fylgjendur sína á Instagram upp úr skónum í vikunni. Brynja og vinkonur hennar sögðust vera á leiðinni til útlanda, þegar þær voru í raun á leiðinni upp í bústað hér á Íslandi.
Brynja sýndi frá því á Instagram í gær hvernig hún fór að.
Hún undirbjó grínið vel, tók með sér auka klósettsetu til að taka mynd af sér við „flugvélagluggann“. Þá bjuggu þær til myrkur inni á klósetti í bústaðnum til að sýna að þær væru komnar í annað tímabelti og það væri myrkur hjá þeim.
Vinkonurnar þóttust hafa farið til Austurríkis og lagði Brynja mikið á sig til að ná myndum sem hefðu mögulega verið teknar þar í landi. Þá skreið hún meðal annars út í gluggann á svefnloftinu í bústanum til að ná fallegri mynd.