Karl Bretaprins var í opinberri heimsókn í Jórdaníu á dögunum ásamt eiginkonu sinni, Camillu hertogaynju af Cornwall. Karl og Camilla heimsóttu al-Maghtas þar sem Jóhannes skírari er talinn hafa skírt Jesú. Karl fór heim til Bretlands með vatn sem hlýtur að teljast óvenjulegur minjagripur. 

Þegar hjónin heimsóttu al-Maghtas við ánna Jórdan fengu þau að dýfa fingrunum í heilagt vatnið. Vatnið verður notað þegar konungleg börn verða skírð í framtíðinni að því fram kemur á vef Daily Mail. 

Konungleg börn eru alltaf skírð með heilögu vatni frá staðnum sem Jesú var skírður en erfingi krúnunnar fer ekki alltaf í sérstaka ferð til Jórdaníu til þess að sækja vatnið. Mun þetta vera mjög sértakt. 

Karl Bretaprins dýfði fingrunum í heilagt vatn. AFP

Breska sendiráðið óskaði eftir nokkrum tugum flaskna af heilögu vatni að sögn Rustom Mkhjian stjórnandi á skírnarsvæðinu. „Ég vildi ekki spyrja. En þau sögðu að þau vildu það til þess að skíra seinna meir. Framtíðarskírnir, já.“

Karl og Camilla heimsóttu staðinn þar sem Jesú er talinn hafa verið skírður. AFP

Camilla og Karl fá að taka smá vatn með sér heim til Bretlands. AFP

Tengdar fréttir

Kóngafólk í fjölmiðlum

Þráir að hitta barnabörnin sín

• Nýgift og eiga von á barni
• Karl opnar Balmoral-kastala og seldist upp strax
• Hvernig á að tala við börn um veikindi
• Kápa Meghan kostaði yfir hálfa milljón

» Fleiri tengdar fréttir

• Blogga um frétt