Þetta er uppáhaldsborg Brooke Shields

Brooke Shields elskar heimaborgina sína, New York.
Brooke Shields elskar heimaborgina sína, New York. AFP

New York í Bandaríkjunum er uppáhaldsborg leikkonunnar Brooke Shields. Shields er fædd og uppalin í borginni og gæti ekki hugsað sér að flytja þaðan. Þótt borgin sé hennar uppáhalds þá blómstrar hún á listrænan hátt þegar hún ferðast um Evrópu. 

Shields eyddi nýverið tveimur og hálfum mánuði á South Queensferry í Skotlandi þar sem hún var við tökur á jólamyndinni A Castle for Christmas. „Það var algjört ævintýri að vera þarna. Ég vaknaði í einu húsanna við kastalann og horfði út á turninn, síðan fór ég að tína gler á ströndinni. Við vorum líka mikið á hestbaki í sveitinni og borðuðum magnaðan fisk og franskar,“ segir Shields í viðtali við Condé Nast Traveller

Leikkonan segir að hluti af því að vera íbúi í New York sé að elska suma hluta borgarinnar og hata aðra. „Það er málið; öfgarnar eru alls staðar. Mér líður eins og ég geti flúið alla og allt í New York á sama tíma og ég er umvafin fólki. Maður getur fundið kyrrðina í einhverjum garðanna, næstu mínútu ertu sleginn utan undir á Times Square. Ég gæti ekki hugsað mér að búa neins staðar annars staðar, nema kannski í London,“ sagði Shields.

New York er uppáhaldsborg Brooke Shields.
New York er uppáhaldsborg Brooke Shields. Ljósmynd/Pexels/Vlada Karpovich
mbl.is
Fleira áhugavert
Fleira áhugavert