Veitingamaðurinn Sigmar Vilhjálmsson, betur þekktur sem Simmi Vill, er komin vestur til Kaliforníuríkis. Fyrir helgi andaði Simmi jólunum að sér í jólaborginni New York á austurströnd Bandaríkjanna. Nú er hann kominn á vesturströndina og hefur heldur betur notið lífsins í borginni.
Simmi dvelur á The Peninsula Beverly Hills-hótelinu í Los Angeles og hefur undanfarna daga notið alls þess besta sem borgin hefur upp á að bjóða. Hefur veitingamaðurinn sýnt ítarlega frá ferðinni á Instagram.
Um helgina fór hann körfuboltaleik hjá heimaliði borgarinnar, Los Angeles Lakers. Í gær fór hann svo á leik hjá fótboltaliðinu Los Angeles Rams. Á leiknum hitti hann rapparann Tyga og smellti í eina sjálfsmynd með rapparanum.