Kanadíska villan sem sjá má í nýjasta tónlistarmyndbandi tónlistarkonunnar Adele er komin í sölu. Húsið er í Quebec, í nokkurra mínútna fjarlægð frá landamærum Kanada að Bandaríkjunum.
Húsið heitir Vineyard of the St. Agnes Chape en landareignin telur alls 70 hektara. Sex hús eru á landareigninni, þar á meðal kastali.
Aðalhúsið var byggt árið 1946 og tekið í gegn 1990. Gestahúsið var byggt 1997 og kapellan og kastalinn 2008.
Í stærstu byggingunni er að finna stóra borðstofu þar sem Adele tók stóran hluta myndbandsins upp.
Núverandi eigandi er kanadíski athafnamaðurinn Benoit Dumont.