Hollywoodstjarnan Emma Roberts naut lífsins í Kosta Ríka á dögunum. Roberts hætti nýlega með barnsföður sínum, leikaranum Garrett Hedlund. Fríið var líklega kærkomið í ljós nýafstaðinna atburða.
Leikkonan dvaldi á lúxushótelinu Hacienda AltaGracia sem er í hluti af keðjunni Auberge Resorts Collection. Hótelið hefur verið valið eitt af 50 bestu sinnar tegundar í heimi og heilsulindin sú besta í heimi.
Roberts birti myndir úr ferðinni á Instagram og segir að hún hafi endurstillt sig á hótelinu sem er núna hennar uppáhaldsstaður. „Fallegasta umhverfið, vingjarnlegasta fólkið, ótrúlegasta upplifunin,“ skrifaði Roberts. „Get ekki beðið eftir að fara aftur.“