Ráðalaus piparsveinn í Hallgrímskirkju

Ísland skartar sínu fegursta í hádramatískum Bachelor þætti sem fór í loftið á mánudags- og þriðjudagskvöld í Bandaríkjunum. Svo mikið gekk á í þáttunum að piparsveinninn Clay Echard þurfti að leita á náðir Guðs og gerði það að sjálfsögðu í Hallgrímskirkju. 

Þættirnir voru teknir upp hér á Íslandi í nóvember á síðasta ári.

Frétt af mbl.is

Tökur á Bachelor fara fram á Íslandi

Echard fór á stefnumót með öllum þremur konunum sem eftir standa, Susie, Rachel og Gabby. Með Rachel fór hann í þyrluflug að eldgosinu. Með Gabby fór hann í buggy-bílaferð en með Susie fór hann í Sky Lagoon.

Piparsveinninn og vongóðu meyjarnar þrjár skelltu sér líka í Ingólfsskála og svo var lokaathöfnin í Hörpu. Það má með sanni segja að athöfnin í Hörpu hafi farið út um þúfu þar sem Echard segir þeim að hann sé ástfanginn af þeim öllum, og að hann hafi sofið hjá tveim af þremur.

Örlögin ráðast í tvöföldum lokaþætti sem fer í loftið í næstu viku, en hann er líka tekinn upp hér á landi. Þá verða tvær meyjar eftir og fjölskylda Echards ferðast hingað til Íslands til að hitta þær.

Frétt af mbl.is

Dramatíkin nær hápunkti í Hörpu

Aðdáendur Bachelor koma ekki að kofanum tómum hjá Sjónvarpi Símans sem er með sýningarréttinn að Bachelor hér á Íslandi. Þátturinn er kominn inn á Sjónvarp Símans Premium.

Í kvöld er svo hægt að horfa á þáttinn nákvæmlega á þeim stað sem hann var tekinn upp á, Sky Lagoon. Lónið sjálft opn­ar klukk­an 18.00 en þátt­ur­inn sjálf­ur fer í loftið klukk­an 20.00 en hægt er að kaupa miða á Tix.is.

Þar að auki koma tveir aukaþættir af Rósinni, spjallþætti þar sem rætt erum Bachelor á léttu nótunum. Fyrri þátturinn kemur inn á morgun. Erna Hrund Hermannsdóttir, Eva Ruza og Hjálmar Örn ræða þar um hvað gekk á í Íslandsþættinum. 

Frétt af mbl.is

Sjáðu piparsveininn fara á stefnumót á Íslandi

• Blogga um frétt