Bráðfyndið TikTok-myndskeið gengur nú manna á milli en á myndskeiðinu má sjá vinahóp úti á skemmtanalífinu í Amsterdam, höfuðborg Hollands. Það eitt og sér er varla í frásögur færandi nema fyrir þær sakir að fleiri skemmtanaþyrstir einstaklingar geri ekki sömu mistök og einn úr tilteknum vinahóp.

Mistök hans voru algerlega ósýnileg þar til hann var kominn inn á næturklúbb og leit þá skyndilega út eins og draugur í allri ljósadýrð skemmtistaðarins. Vinur Remmingtons hafði borið á sig þó nokkuð magn af sólarvörn áður en hann skellti sér á djammið og átti það eftir að hafa ófyrirséðar afleiðingar. Fréttamiðillinn Daily Star greindi frá.

„Þegar vinur þinn er með aðeins of mikla sólarvörn á sér inni á næturklúbbi og það eru útfjólublá ljós inni á klósettinu þar,“ skrifaði TikTok-notandinn Jack Remmington við myndskeiðið sem sýndi þá félagana í góðum gír í Amsterdam. 

„Ráð til ykkar: Ekki bera á ykkur sólarvörn áður en þið farið á djammið.“ 

Myndskeiðin hér að neðan tala sínu máli en þau gætu þó auðvitað verið tilbúningur og í gríni gerð.

Tengdar fréttir

Furðulegt á ferðalögum

Benjamin varð vitni að einstöku fyrirbæri á Svalbarða

• Bjó á flugvelli í Bologna í níu mánuði
• Færir þú í nektarsiglingu?
• Ljósmynd af sofandi ísbirni hefur heillað heiminn
• Fór í dagsferð til Íslands fyrir 6.280 krónur

» Fleiri tengdar fréttir

• Blogga um frétt